𝐁𝐍𝐊 𝐅𝐢𝐧𝐚𝐧𝐜𝐞 𝐆𝐫𝐨𝐮𝐩 မှ အင်အားပြင်း ငလျင်ကြောင့် ခံစားခဲ့ရသော မြန်မာနိုင်ငံအတွက် ငွေကျပ်သိန်း ၃ထောင်ခန့် အားပေးအပ် လှူဒါန်းသွားမည့်အစီအစဉ်

မြန်မာနိုင်ငံတွင် မတ်လ ၂၈ရက်နေ့ ကဖြစ်ပွားခဲ့သည့် အင်အားပြင်းငလျင်ကြောင့် ပြည်သူများ ထိခိုက်ဒဏ်ရာများ၊ သေဆုံးမှုများနှင့် နေအိမ်အဆောက်အအုံများ ပျက်စီးဆုံးရှုံးခြင်းများအတွက် 𝐁𝐍𝐊 𝐂𝐚𝐩𝐢𝐭𝐚𝐥 𝐌𝐲𝐚𝐧𝐦𝐚𝐫 မှ ထပ်တူ ဝမ်းနည်းရပါသည်။

ထို့ကြောင့် 𝐁𝐍𝐊 𝐅𝐢𝐧𝐚𝐧𝐜𝐞 𝐆𝐫𝐨𝐮𝐩 မှ ငလျင်ကြောင့် ထိခိုက်နစ်နာမှု ခံစားခဲ့ရသော ပြည်သူများအတွက် ငွေကျပ်သိန်း ၃ထောင်ခန့် ပမာဏရှိသော အလှူငွေကို ပေးအပ်လှူဒါန်းသွားမည်ဖြစ်ပါသည်။

𝐁𝐍𝐊 𝐅𝐢𝐧𝐚𝐧𝐜𝐞 𝐆𝐫𝐨𝐮𝐩 အနေဖြင့် မြန်မာပြည်အခြေစိုက် 𝐂𝐨𝐦𝐩𝐚𝐧𝐲 ဖြစ်သော 𝐁𝐍𝐊 𝐂𝐚𝐩𝐢𝐭𝐚𝐥 𝐌𝐲𝐚𝐧𝐦𝐚𝐫 မှတဆင့် ငလျင်ဒဏ်ခံစားခဲ့ကြရသည့် ပြည်သူများအတွက် ထောက်ပံ့မှုများနှင့်ကယ်ဆယ်ရေးလုပ်ငန်းများကိုလည်းပါ၀င်အားဖြည့်သွားမည်ဟု ဧပြီလ ၂ ရက်နေ့က ထုတ်ပြန်ကြေညာခဲ့ပါသည်။

ငလျင်ဒဏ်ကို ခံစားခဲ့ရသော ဒေသရှိ 𝐂𝐥𝐢𝐞𝐧𝐭 များအတွက် အတိုးနှုန်း လျော့ချမှုများနှင့် ပြန်လည်ပေးဆပ်ရမည့် အချိန် ၊ ပြန်လည်ပေးဆပ်ရန် ကင်းလွတ်ခွင့်များ အစရှိသည့် ငွေရေးကြေးရေးဆိုင်ရာ ညှိနှိုင်းမှုများကိုလည်း လုပ်ဆောင်ပေးသွားမည်ဖြစ်ပါသည်။

အစားအသောက်နှင့်ဆေး၀ါးများ ၊ နေထိုင်စားသောက်ရေးအတွက် လိုအပ်သည့်ပစ္စည်းများအပြင် 𝐁𝐍𝐊 𝐅𝐢𝐧𝐚𝐧𝐜𝐢𝐚𝐥 𝐆𝐫𝐨𝐮𝐩 𝐂𝐨., 𝐋𝐭𝐝 မှ မြန်မာငွေ ကျပ်သိန်း ၁၅၀၀ခန့် နှင့် 𝐁𝐍𝐊 𝐂𝐚𝐩𝐢𝐭𝐚𝐥 မှ မြန်မာငွေ ကျပ်သိန်း ၁၅၀၀ခန့် စုစုပေါင်း မြန်မာငွေ ကျပ်သိန်း ၃ ‌ထောင်ခန့်ကို ကူညီထောက်ပံ့ပြီး လှူဒါန်းသွားမည်ဖြစ်ပါသည်။

𝐁𝐍𝐊 𝐁𝐮𝐬𝐚𝐧 𝐁𝐚𝐧𝐤 မှလည်း လူမှုဖူလုံရေးဖောင်ဒေးရှင်းမှတဆင့် အရေးပေါ် ဆေးဘက်ဆိုင်ရာ ၀န်ဆောင်မှုများအတွက် မြန်မာငွေ သိန်း ၁၅၀ခန့် ကို ထပ်မံ လှူဒါန်းသွားမည်ဖြစ်ပါသည်။

ဒါ့အပြင် 𝐁𝐍𝐊 𝐂𝐚𝐩𝐢𝐭𝐚𝐥 𝐌𝐲𝐚𝐧𝐦𝐚𝐫 𝐂𝐨𝐫𝐩𝐨𝐫𝐚𝐭𝐢𝐨𝐧 ၏ တာ၀န်ရှိသူမှလည်း “ငလျင်ဒဏ်ကြောင့် မိသားစုနှင့်စီးပွားရေးလုပ်ငန်းများ ဆုံးရှုံးခဲ့ကြရသည့် ဒေသခံပြည်သူများအား စိတ်ဓာတ်ခွန်အားများရရှိစေရန်”

ကိုရီးယားရုံးချုပ်နှင့် 𝐁𝐍𝐊 𝐂𝐚𝐩𝐢𝐭𝐚𝐥 𝐌𝐲𝐚𝐧𝐦𝐚𝐫 တို့ ပူးပေါင်းကာ ငွေကြေးထောက်ပံ့မှုများအပြင် လူသားချင်းစာနာထောက်ထားမှု အကူအညီများကိုလည်း ဆောင်ရွက်ပေးသွားမည်ဖြစ်ပါသည်။